بلوكاوت
الجزائر من أكبر الأسواق تاع لافاش كيري في العالم؛ قريب 2.5 مليون حصة تتاكل كل نهار من اليوم اللي بدات الشركة تصنع فيه عندنا عام 2007. المبيعات طالعة، وفي نفس الوقت الشكاوى على الجودة تكثر، وبزاف سياح ومغتربين وتحقيقات يقولو أنو جودة الجبن عندنا ناقصة مقارنة بدول أخرى.
في الدزاير، المكونات مبنية على زيوت نباتية (وأهمها زيت النخيل) زيدلها مثبت (بولي فوسفات E452). المشكل تاع زيت النخيل أنو يطلع الكولسترول الضار (LDL)، أما الفوسفات المضاف، فالوكالة الأوروبية لسلامة الغذاء (EFSA) ترى أنو منخفض السمية، والخطر تاعو في الكمية الكبيرة، خصوصاً عند الأطفال ومرضى الكلى. والأهم أنو المنتج عندنا يتباع تحت تصنيف (تحضيرة غذائية).
أما في فرنسا، مكتوب في العلبة حليب مصفّى، جبنة، زبدة، وبروتينات الحليب. الشركة تخدم تماك بالزبدة وماتستعملش زيت النخيل! وحنا عندنا بدلو الزبدة بالزيوت النباتية، وزادو فوسفات مضاف كيما E341 (فوسفات الكالسيوم)... يعني باختصار: نفس العلامة، نفس الغلاف، نفس الضحكة... بصح المضمون ماش كيف كيف.
المجموعة الأم Bel عندها نشاطات تجارية في الكيا/ن الإسرا/ئيلي بتسمية عبرية. وزيد، في فيفري 2020، دخلت في جولة تمويل بقيمة 2.5 مليون دولار لشركة "Yofix Probiotics" الصهيو/نية. وهذا كلو عبارة عن دعم صريح للاقتصاد تاعهم، لهذا لازم نقاطعوها.
السوق الجزائري اليوم راه معمر بمنتجات محلية ذات جودة عالية. تعتمد على إنتاج محلي ومواد أولية وطنية، والمنافسة ولات في الجودة والمكونات ماشي غير في السعر. والمستهلك اليوم راه يلقى بدائل تستاهل التجربة والمقارنة كيما Tartino, TipTop... وبزاف شركات أخرى.
وبعد ماعرفت كل هاذ الحقائق سقسي نفسك: هل راك تشري لافاش كيري علاجال الجودة ولا راك تشريها غير علاجال الاسم و الاعتياد؟
لا توجد تعليقات بعد. كن أول من يعلّق!