مساعد بلوكاوت على تيليجرام: اسأل عن أي منتج في ثواني

عندنا جديد في تيليجرام: مساعد بلوكاوت، بوت يجاوبك في ثواني من نفس معلومات موقع بلوكاوت. افتحه من هنا: t.me/Blockoutalgeria_bot

اكتب اسم أي منتج للبوت، يقولك إذا مقاطع ولا لا، ويعطيك البدائل الجزائرية، ومعاها رابط صفحة المنتج في الموقع باش تشوف السبب والمصادر.

ما تعرفش اسم المنتج؟ صوّر الباركود تاعو وابعثهولو، ويقولك الحكم تاعو. وإذا كان الباركود مازال ماشي مسجّل عندنا، يتسجّل باش يراجعو الفريق.

اضغط على /shops واكتب ولايتك ولا مدينتك ولا حومتك، ولا ابعث موقعك، ويعطيك المحلات الداعمة للمقاطعة اللي في ولايتك. تعرف محل ماشي في القائمة؟ زيدو من صفحة المحلات في الموقع.

في أي محادثة في تيليجرام، اكتب اسم البوت @Blockoutalgeria_bot ومن بعد اسم المنتج، وابعث البطاقة لعايلتك وصحابك.

كل يوم سؤال جديد في قناة بلوكاوت، والنقاش في مجموعة مجتمع بلوكاوت، وتتعرّف على ناس من ولايتك.

من الإعدادات في موقع بلوكاوت، اضغط على ربط حساب تيليجرام، وتجيك تنبيهات الموقع مباشرة: منتجات جديدة، مقالات، والرد على بلاغاتك. وتقدر تختار واش يجيك من صفحة التنبيهات.

وخيّر ولايتك في البوت من دوكا، لأنو راهي جاية حاجة جديدة لكل ولاية.