بلوكاوت
موضوع درناه بالتعاون مع صفحة بنيان: كيفاش نربيو أولادنا على المقاطعة؟ خطوات بسيطة وعلى قد سن الطفل.
ولدك يشوف كل يوم عشرات العلامات التجارية: في الإعلانات، في السوق، وحتى في هاتفك.. ويحفظها بسبب التكرار. وإذا ما علمناهش كيفاش يختار، الشركات هي اللي راح تختارو بإعلاناتها...
ابدا خبرو بالحقيقة، بكلام بسيط وعلى قد سنو. عرفو بالمجرم الحقيقي، وخليه يشوف الأحوال في غزة بصور ومقاطع تناسب عمرو. وفهمو أنو هادوك راهم أطفال وعائلات مثلنا، وجعهم وجعنا.. والمقصود يحس ويفهم، ماشي يخاف.
وضحلو أن دعمنا ليهم مايكونش بالسلاح. تكون بالكلمة، بالتضامن، وبالمقاطعة. يعني كل واحد فينا، حتى الصغير، عندو دور..
خليه يجي معاك للسوق، يقرى الملصقات، ويدور على البديل. وكي يلقاه، يحطو في السلة بيدو ويفرح.. والطفل يتعلم بعينو قبل أذنو، فكون أنت القدوة. والبدائل كامل تلقاوها في موقعنا.
ما تحملوش فوق طاقتو، وتفكر بلي هو طفل صغير. غير وسعلو عالمو باش يحتوي قيم ومبادئ، ويكبر وهو حامل بذور خير صغيرة، تكبر معاه..
ونتوما، كيفاش تعلمو أطفالكم المقاطعة؟ شاركونا تجاربكم.
لا توجد تعليقات بعد. كن أول من يعلّق!