شفتو مسابقة الطوموبيلات؟ تعليق واحد ما يسوى والو، بصح 98 مليون تعليق خلّاو حساب فيه منشور واحد برك يولّي عندو أكثر من 600 ألف متابع. هاكّا تخدم المقاطعة ثاني.
يقولّك: أنا كي نقاطع واش راح يتبدّل؟
هاذي ثلاث أمثلة موثّقة:
- ماكدونالدز: في 4 جانفي 2024، مدير ماكدونالدز بنفسو كتب بلّي بزّاف بلدان تاع الشرق الأوسط راهي تعيش تأثير معتبر على الخدمة تاعهم (meaningful business impact).
- ستاربكس: في نتائج جانفي 2024، مدير ستاربكس اعترف بلّي الزبائن والمبيعات نقصو بزّاف في الشرق الأوسط.
- كارفور: سكّرت محلاتها في الأردن (4 نوفمبر 2024)، وعمان (7 جانفي 2025)، والبحرين (14 سبتمبر 2025)، والكويت (16 سبتمبر 2025). الشركة ما قالتش علاش، بصح هاذا صرا وسط حملات مقاطعة كبيرة.
ما كانش قرار دولة
اللي دار هاذ الفرق ما كانش قرار دولة. كانو ناس كيفك، كل واحد قرّر وحدو ما يشريش. في متاجر عمّان كانت الملصقات على الرفوف تقول: انتبه منتج مقاطع، والخيار خياركم.
ابعث هاذ المقال لصاحبك اللي يقولّك المقاطعة ما تبدّل والو. وإذا حاب تعرف واش تقاطع وواش هو البديل، شوف دليل المنتجات.
المصادر
بلوكاوت
لي يقول هاذ الهدرة ويطرح اصلا سؤال شاغادي دير المقاطعة راه يستصغر في مجهوداتنا والقضية اصلا من غير الصواب تطرح سؤال ونتا اصلا مش مأمن فالقضية لأنك كمواطن جزائري وعربي ومسلم اولوياتك لدينك ومساعدة اخوانك ولو بأضعف الإيمان انا تبانلي كي مايقدروش يتبناو حقيقة اننا نخدمو وهوما راقدين في هذا الموضوع يبرروا تخاذلهم بهاذ تساؤلات الغبية التي لا تدل سوى على فراغ عقولهم وقلوبهم وموت ضميرهم ✔️✅
صح 💯 هناك فئة تحتاج توعية ودفعة فقط الخير مازال كاين والحمدالله في كل شر ياربي يقدركم ويقدرنا على مواصلة جهادنا مهما كان حجمه 👏🏻🤲🏻 شكرا لردكم الراقي